Posti nu e mio speranze mute,
È i sogni di i mio passi,
Nu à Nucaria o pè i chjassi;
Ricordi di a Pozza à a Rena,
Duve trascingu a mio pena,
L’acqua dolce di a spiscia
È u ventu nu a Sculiscia ;
Da luntanu mi n'arricordu
Eramu à i suleoni,
Mi disse tandu una nova,
Chì era eiu a to passione,
Ricordu di u mio rughju,
chì ferma sempre in carrughju,
S’hè tandu accesa una stella,
In fronte di a citadella,
Sò luntanu ma s’o ci pensu,
Sò l’odori, di’ssu celu immensu,
Caldane, rise eppo ghjente,
Chì sempre schiaffanu a mio mente,
Sò i ricordi di una manu,
Chì accarezza à Tavignanu,
È l’ochji, di ‘ssa zitella,
In restonica à piatatella,
Oghje ùn sò più ’ssu zitellu,
Ma mi ferma in core un rimorsu,
Hè quellu di ss’anni ghjuvelli,
Passati nantu à u Corsu
Sò i ricordi di ‘ssa manu,
Chì mi stringhje in Tavignanu,
È da San Pancraziu à Baliri,
I mio più belli suveniri.