Chì invita signi pueta à parte
Inde calchì viaghju artifiziale
Quandu u so ditu accarezza e carte
Neru : inchjostru di una stonda à sparte
Fendu intriccià cunsunante è vucale
Quandu a musa impenna incun arte
Ogni pinsata diventa riale
Corre a manu avà cum'è un fiume
Punendu l'ombra annant'à u lume
È in cuntrastu si scopre a magia
Una incù l'altra e parolle in accordu
Cum'è a terza, a siconda è u bordu
Facenu nasce calchì puisia