Cosimi letizia - Filare

Una rima à l'arritrosa
Sott'à u celu nebbiacosu
Puesia maliziosa
In u core luminosu

Una piuma silenziosa
Per fà nasce u riposu
Una lingua o una prosa
In un cantu calurosu

Una pagina zergosa
Nant'à un fogliu petricosu
Una lacrima scherzosa
È un ochju vergugnosu

La mio penna hè salivosa
In un mumentu furiosu
A passione impetuosa
In u libru sempre chjosu

Emuzione angusciosa
Sintimentu à l'ascosu
A mio mina serà sposa
Di l'inchjostru spaventosu...