Parodin antoine - Lamentu di u palmu

Eiu sò lu caru palmu
Chì stà vicinu à lu mare
Oghje mi n'aghju da more
È d'una morte amara
Un chjucucciu animalacciu
Tomba e mo palme care
Quandu ùn eru malatu
Era bella è dolce a vita
Avà cascanu e mo palme
Ch'anu male è sò ferite
Da li Corsi è li turisti
Ùn socu più preferita
È cù tutti li me pari
Ci tomba a furba razza
Di sti goffi animali
Di a sterpa la più pazza
Runziccheghjanu u me core
Tutta la me vita basta
Mai più ùn ci sarà ghjovani
Sott'à e mo alte palme
Durant'a bella staghjone
Quandu lu mare hè calmu
Mai più animazione
S'affanna avà a me alma
Quandu eru bellu è grande
À principiu di l'estate
Tutt'u mondu vinia quì
Era bella a spassighjata
Ma avà e' mi ne morgu
L'ultimu suspiru docu
Oghje ghjè un crepacore
Di parte in sta suffrenza
Chì mi face pianu more
È tomba la mio sperenza
Cantate cù mè, in core
Tutt'i me guai immensi
Eiu sò lu caru palmu
Chì nanzu facia l'ombra
Ascolta la trista chjama
Veni nant'à a me tomba
O Corsu sò a to mamma
Pianta ti ghjustu una stonda