Peraut philippe - Sò

Da lu me sguardu prufondu
Vecu l’universu sanu
E stelle di lu circondu
E tengu in la mio manu......
Sò eri sò oghje sò dumane sò

L’anima aghju sculpitu
In ogni santa creatura
Ma si tace lu spiritu
È ghjè tempu di bughjura
Sò eri sò oghje sò dumane sò

A parolla sminticata
Quella di u soffiu divinu.
Si ne fermerà piattata
Serà quessu u me destinu
Sò eri sò oghje sò dumane sò

Fine ch’eiu trovu u me riposu
Trà paradisu è infernu
Ind’è l omu u più pietosu
Chì s’apre à u silenziu eternu...
Sò eri sò oghje sò dumane sò