U celi sbiadisci, si taci u ventu
Sò l’ultimi ori di a me asistenza,
Rinchjusu à tortu
in quissu cunventu
Venini d’annuncià
a cruda sintenza.
Traditu da i mea senza una raghjoni
Incù deci cumpagni socu cundannatu,
Ùn aghju quindici
anni, qual’hè u me piccatu
Pà mirità a pena
di tali upprissioni ?
Mai ùn piantarani
a rivolta è a vindetta
Passatu u dolu di a noscia partenza,
Ch’ùn asisti un Rè
chì pò suttumetta
A patria di Pasquali babbu di l’indipindenza
Senza alcuna piità ci vuleti stirpà
Ch’u sangu di maghju ùn vi bastò micca,
Ma ancu s’è issa funa u me suffiu strapparà
Amparareti quì ch’un idiali ùn s’impicca.
Curcia hè la me
sorti
Partu à u fior’di
l’ità,
Ma aldilà di a morti
A mimoria firmarà,
Da purtà ancu più forti
A spera di a libartà.