Santucci paul mathieu - Luna corsa

Quandu piena quandu viota
À l’acqua di lu tempu
Sempre di parulla muta
È di colore talentu
Luna fatta la notte
Ùn aspetta è pò sorte

Da l’agliu à lu fasgiolu
Da l’arburu à lu fruttu
Da u calzu à u magliolu
Ammaestri puru tuttu
Mimoria di u pastore
Di a Corsica l’onore

Di patta è di magia
Di scenza o di credenza
Lumineghji di maraviglia
Puru cù tanta distenza
In patti d’agricultura
Si connosce la putenza

À schjarisce lu chjassu
Metti tamanta passione
Pè l’omu solu à spassu
Hè un altra dimensione
À lumera di la Luna
Si ritrova lu cantone

À l’insetu chjarasginu
A forza di rinvivisce
À u legnu castagninu
Una vita chì finisce
À u capellu feminile
U miraculu di cresce