Felì - Ch'ellu canti u populu

Quantu ne ci vulerà torna seculi quantu
Da chì ellu rivechi scrittu u so nome nantu
À e pagine di l’universale libru
Intantu sia fidu
È luttà è cantà

Ch’ellu canti l’amore è a fede
Ch’ellu canti chì ellu più chè mai ci crede
Ch’ellu canti a sà fà
Tutte e so libertà
U populu corsu
Ch’ellu canti à affiatà si a voce
Ch’ellu canti cusì da a surgente à a foce
Ch’ellu canti a sà fà
Tutte e so libertà
U populu corsu

Facenu à frombu paru listesse stonde amare
A porta chì si chjode è quill’altra ch’ùn s’apre
Li neganu u veru pè imgabbià lu di più
Ma  fermi puru fieru
È po cantà dinù