Gavini doria - Muntagna corsa

In cor’ di muntagna Corsa
N’aghju scupartu un valeddu
A so machja u so muscu
U so celi cussì beddu

Suvitendu la so strada
Sò ghjunta à un fiumiceddu
Com’è un linzolu d'oru
Spostu annant’à i rusceddi

In cor’di muntagna corsa
Iddu s’hè missu à parlà
È m'hà contu u lamentu
Di tutta l’umanità

Una sera par furtuna
U chjarori di a luna
Luccicaia luccicaia
Com’è centu milla lumi
Sposti annant’à l’acqua marina

Dopu avè fattu lu saltu
Mi so lasciata purtà
Da stu cantu d’armunia
Mi sò lasciata annannà

Meditendu a nuttata
Mi sò lasciata guidà
Da un sognu predilettu
Si passaia tempi fà

À lu pè di u mulinu
Ùn la voddu sbucciardà
Aghju pensu à l’antichi
Chì l’anu fatta ghjirà

In cor’ di tè muntagna corsa
N’aghju scupartu un valeddu
A so machja u so muscu
U so celi cussì beddu